ලෝක මට්ටමින් සහ දේශීය මට්ටමින්, ගෝලීයකරණ ව්‍යාපෘතිය දැඩි ලෙස ගැටලුකාරී තත්වයකට පත් වී ඇත. මෙම තත්වයට මුහුණ දීම සඳහා දෘෂ්ටිවාදී ආකෘති දෙකක් ඉදිරිපත් වී ඇත.
1) පුටින් විසින් ආරම්භ කළ යුක්රේන යුද්ධයට එරෙහි බටහිර මාධ්‍ය ආඛ්‍යානය.
2) ශ්‍රී ලංකාවේ ආර්ථික-දේශපාලන-සමාජ අර්බුදයට විකල්පයක් ලෙස ඉදිරිපත් වී ඇති ‘ජාතික ජන බලවේගය’ සහ ‘සමගි ජන බලවේගය’ ඉදිරිපත් කරන මාධ්‍ය ආඛ්‍යානය.
2009 වසරේ දී, ශ්‍රී ලංකාවේ වාර්ගික යුද්ධය අවසන් කළ වහාම හිරු කණ්ඩායමේ නායක රෝහිත භාෂණ සහෝදරයා මෙසේ ප්රකාශ කරන ලදී. “මෙම යුද්ධය, 21 වැනි සියවසේ ඉදිරියට ඇති වීමට නියමිත යුද්ධය සඳහා පෙරවදනක් වේවි”.
රනිල් වික්‍රමසිංහ විසින් යුක්රේන යුද්ධය පිළිබඳව කළ අර්ථකතනය අභියෝගයට ලක් කරමින් ප්‍රකට මාධ්‍යවේදියෙකු වන සුනන්ද දේශප්‍රිය මහතා ප්රකාශ කරන ලද්දේ, රනිල් වික්‍රමසිංහ යුද්ධයේ මානව හිමිකම් පාර්ශවය අමතක කරන බවයි.
ලංකාවේත් ලෝකයේත් මාධ්‍යවේදීන් සහ දේශපාලකයන් අතර ඇත්තේ දයලෙක්තික සම්බන්ධයකි. බොහෝ මාධ්‍යවේදීන් සහ අයිතිකරැවන් සහ දේශපාලන ව්‍යාපෘතිවලට බලයට පැමිණීමට මතවාදීව උදව් කරන අතර ඒවා අසාර්ථක වන විට ද ඔවුන්ට රාජකාරියක් ඇත. උදාහරණයක් ලෙස 1993 දී චන්ද්‍රිකාව බලයට ගෙනෙන්නට ‘යුක්තිය’ ‘රාවය’ උදව් කළ අතර එය පිරිහෙන විට දී එහි විවේචක අක්ෂය බවටද පත්විය. 2014 දී ඇමෙරිකානු රාජ්‍ය දෙපාර්තුව ”වික්ටෝරියා නුලාන්” ප්‍රමුඛ ගැන්සිය යුක්රේනයේ ප්‍රජාතන්ත්‍රවාදීව පත්වූ ආණ්ඩුව පෙරළා දැමුවේ එය පූටින් ගැති බව පවසමිනි. ඔබාමාගේ පරිපාලනය ඒ සඳහා රහසින් උදව් කරන ලදී . ඒ අනුව යනුකොවිච්ගේ ආණ්ඩුව අවසන් විය. මින් කුපිත වූ පූටින් ගැන්සිය යුක්රේන රුසියා දේශ සීමාවේ වාර්ගික කැරැල්ලක් ආරම්භ කරන ලදී. ඊට අමතරව ඇමරිකාව ප්‍රමුඛ නේටෝව රුසියාවෙන් නැගෙනහිර සීමාවෙන් එයට අභියෝගයක් ඇති කරන ලදී. රුසියාවට ඇමරිකාවට යටින් පවතින මැක්සිකෝවේ තමන්ට රුචි පාලනයක් බිහි කිරීම අභියෝගයක් වන තරමටම, රුසියාවට පහළින් වූ යුක්රේනය තුළ ඇමරිකාවට හිතවත් පාලනයක් බිහි කිරීමට රුසියාව ඉඩ දෙන්නේ නැත. දේශප්‍රියගේ කතන්දරය තුළ ඇත්තේ යුද්ධය සහ එහි ඓතිහාසික හේතූන් පිළිබඳ බටහිර මාධ්‍ය ආඛ්‍යානයයි.
රෝහිත භාෂණගේ ආඛ්‍යානය ට අනුව 2009 වසරේ අවසන් වූ වාර්ගික – සිවිල් යුද්ධය අවසන් වූයේ රතු කුරුසිය හෝ සිවිල් අපරාධ නොසලකා ය. එය ඉතාම මිලේච්ඡ යුද්ධයක් විය. නමුත් එම යුද්ධය වැරදි හෝ නැවැත්විය දෙයක් ලෙස ඇමෙරිකාව යුරෝපය ප්‍රමුඛ ඇලිය ප්රකාශ කළේ නැත. යුද අපරාධ චෝදනා ගෙන ආ මුත් ඒ සඳහා අදටත් යථාර්ථවාදී ක්‍රියාමාර්ග රැගෙන නැත. කොටින්ම කිව්වොත් බටහිරට තමන්ට බාහිරින් පවතින ජන අරගල ගැන ස්ථාවර දෙකක් ඇති බව හෙළිවිය. ඉන්දියාවේ සෝනියා ගාන්ධි ප්‍රමුඛ කොංග්‍රසය යුද්ධයට ඍජුව ම ආධාර කරන ලදී . අද කොංග්‍රසයේ ඉන්දියාවෙන් අතුගෑවී යන මට්ටමට ම පිරිහී ඇත.
බටහිර විසින් තමන්ම ලෝකයට ඉදිරිපත් කරන ප්‍රජාතන්ත්‍රවාදී හර පද්ධතිය ඔවුන් විසින්ම විනාශ කරන බව අවබෝධ වූයේ අවසාන ඊලාම් යුද්ධයේදී ය. ඔවුන් විසින් එම යුද්ධයේ දී මිලේච්ඡත්වය ඉතාම නරුමවාදී ආකාරයට ඉවසන ලද අතර එහි අවසානයට කිසිවක් කලේ නැත. මේ නිසාම යුක්රේන යුද්ධයේදී බටහිර මාධ්‍ය අඛ්‍යානය බොහෝ දෙනා පිළිගන්නේ නැත වරක් ‘බොද්‍රිලා’ කී පරිදි ගල්ෆ් යුද්ධය සැබැවින් සිදු නොවූ අතර එය සිදු වූයේ රූපවාහිනී තිර මත පමණි .එපරිදිම යුක්රේන යුද්ධය සිදුවන්නේද සමාජ මාධ්‍ය තුළ පමණි. කිසිවකු ධනවාදය [දේශප්‍රිය ද ඇතුළත්ව] මගින් ඇති කරන අමානුෂිකත්වය පිළිබඳව කතා කරන්නේ නැත. ඔවුන් කතා කරන්නේ ධනවාදයේ යහපත් අංග රැකගෙන අයහපත් අංග ඉවත් කිරීමට හැකිය කියාය.දේශප්‍රියගේ දෛනික අදහස අතේ පත්තුවෙන විඥානවාදී අත්බෝම්බයක් පමණි. යුක්රේන යුද්ධය හරහා මතු වන්නේ හුදු මිලෙච්ඡත්වය පමණක් නොවේ . එම නිසා ම නූතන ධනවාදය තුළ මතුවන හිංසනයට අර්ථකථන ගැඹුරක් ද නැත .සජිත්ගේ ගෝලයන් පෙළපාලි වල නට නටා එන්නේ ඒ නිසාය. ධනවාදයේ ව්‍යුහාත්මක අර්බුදය විසඳීමට උද්ඝෝෂණ ආකෘතිය ගැලපෙන්නේ නැත. නූතනත්වය තුළ අත්විඳින සාරය සහ දෘෂ්‍යමානය අතර පරස්පරය ව්‍යාජයකි. ලංකාවේ සහ ලෝකගෝලය තුළත් සම්පත් බෙදී යන්නේ අසාධාරණ ක්‍රමයකටය. විශ්වවිද්‍යාල ගුරුවරයකුගෙ මාසික වැටුප ලක්ෂ දෙකක් වන විට දී පාසල් ගුරුවරියකගේ වැටුප රුපියල් හතලිස් දහසක් පමණ වේ. මේ ව්‍යුහාත්මක වෙනස බිහි කරන මූලය පාරේ ගමන් කරන පෙළපාලිවලට වෙනස් කිරීමට නොහැකිය
ලෝක වෙළඳපොළ බෙදා ගැනීමට කරන යුද්ධයක් අප ප්රජාතන්තරවාදය බේරා ගැනීමට කරන දෙයක් ලෙසින් වරදවා වටහා ගත යුතු නැත. දේශප්‍රිය යනු ද මෙම ආඛ්‍යානයේ ප්‍රකාශකයකු මිස ගැටලුවේ මූලය නිර්වචනය කරන්නෙකු නොවේ. දේශප්‍රිය සහ රනිල් වික්‍රමසිංහ යන දෙදෙනාම එකම තලයකට වැටෙන්නේ ඔවුන්ගේ දේශපාලනයේ සන්දර්භය සිවිල් නිසාය.
පහත පළවන්නේ යුක්රේන යුද්ධය ගැන වෙනත් ආඛ්‍යානයකි.
+++++++++++++++++++++++++++++
කාමරය ඇතුලේ අලියා නොදැකීම
යුක්රේන රුසියානු යුද්ධයේ ප්‍රධාන මායිම සලකුණු වී ඇත්තේ මෙසේය. නිදහස් ස්වාධින රටක් ආක්‍රමණය කිරීමට වෙන රටකට කිසිදු අයිතියක් නැත යන්නය. එය සම්පුර්ණයෙන්ම නිවැරදි ස්ථාවරයකි. එසේ නොවුහ හොත් අනිත් හැම ප්‍රබල රටක්ම කුඩා රටවල් ආක්‍රමණය කරනු ඇත. එසේත් නැතිනම් එලෙස කරන බවට තර්ජනය කරනු ඇත. එක්සත් ජාතීන්ගේ සංවිධානය පිහිටුවා ඇත්තේ එවැනි ආක්‍රමණ වැළැක්වීමටය.
කුඩා රටවල්ද අර බලවත් රටවල් අමනාප කර නොගෙන සිටීම වැදගත්ය. එම කියන්නේ එම රටවල් යටවී සිටීමට නොවේ උපායමාර්ගිකව කටයුතු කිරීමයි.
යුක්රේනයේ අද පවතින්නේ තමන් ළඟ සිටින චන්ඩියා ට කින්ඩි දමමින් ඈතින් චන්ඩින් ගෙන්වීමේ පල විපාකයකි. නිදහස් රටක් වශයෙන් ඈතින් චන්ඩින් ගෙන්වීමට යුක්රේනයට අයිතියක් ඇති බව සැබෑවකි . නමුත් රටේ අනාගතයත් වැසියන්ගේ ජිවිතත් පරදුවට තබා එසේ කල යුතුද? රටක් කියන්නේ ගෙයක් නොවේ. සමහරු මෙය ගෙයක් අසල චන්ඩියෙක් ජීවත් වීමට ලඝු කරති. චන්ඩියා ජනාධිපති නම් ඔබ දෙවරක් සිතන්නේ නැත්ද? චන්ඩියා ජනාධිපති නම් කල යුත්තේ ගෙදර අයගේ ජිවිත බේරාගෙන ජනාධිපති විරෝධී කෙනෙක් හොයා තමන් අයින් වී උගුලක් ඇටවීම වන්නකි.
1. ඇමෙරිකා එක්සත් ජනපදයට සැප්තැම්බර් 11 වනදා එල්ල කල ප්‍රහාරයෙන් පසුව මම නේටෝ රටවල් ඇෆ්ඝනිස්ථානයට පහර දීම පිළිබඳව සතුටු වුනෙමි. නේටෝව ගැන මගේ සිතේ තිබුනේ පහන් හැඟීමකි. එහිදී නේටෝව ස්වාධින රටක් ආක්‍රමණය කිරීමෙන් එක්සත් ජාතීන්ගේ වගන්තිය 2(4) (article 2.4) කැඩීම පිළිබඳව කරදර නොවුනෙමි. වෙන්නේ මම කැමති දෙයක් නම්, වෙන්නේ හොඳ වැඩක් කියා මට සිතෙන්නේ නම් ඒ ගැන කරදර වන්නේ කුමටද යන්න මගේ ස්ථාවරය විය. බටහිර මාධ්‍ය ක්‍රියා කරන්නේද ඒ ආකාරයෙන්ම බව මට පසක් වුයේ බොහෝ පසුවය.
2. ඉරාකයට කළ පළමු ආක්‍රමණයට පෙර සදාම් හුසේන් ඇමෙරිකාවේ හා බ්‍රිතාන්‍යයේ ලණු හොඳටම ගිල්ලේය. බ්‍රිතාන්‍ය හා ප්‍රංශය ඔහුට බිලියන් ගණනින් ආයුධ විකිණුහ. ඔහු කුවේට් රාජ්‍යය ආක්‍රමණය කළේය. මෙහිදී තමන්ට ඇමෙරිකාවේ අනුමැතිය ලබුනහයි ඔහු වරදවා සිතුවේය. එවකට් සිටි ඇමෙරිකානු තානාපතිනිය මේ ගැන ලියා ඇත. නේටෝව ඉරාකයට පන්න පන්නා පහර දුන්නේ එක්සත් ජාතීන්ගේ අනුමැතිය සහිතවය. නේටෝව දෙවන වරට ඉරාකය ආක්‍රමණය කලේ එක්සත් ජාතින් ගේ අනුමැතිය නැතිවය (2003).
එයට ඉදිරිපත් කරන ලද පළමු හේතුව වුයේ සුළු ජාතියක් වූ කුර්දි වරුන්ට එරෙහිව රසායනික අවි භාවිතා කිරීමය (මෙහිදී 30000 කුර්දින් මිය ගියා යයි පැවසුනි) . දෙවන හේතුව වූයේ අති ප්‍රබල මිනිසුන් දහස් ගණනින් මරණ (WMD) බලවත් ආයුධ තබා ගත්තේ යයි චෝදනා එල්ල වුනි. (එම අවි අදටත් සොයාගෙන නොමැත)
ඉරාකයේ මියගිය සටන්කාමීන් නොවන සාමාන්‍ය ජනතාව මිලියන් දෙකක් පමණ යයි ගණන් බලා තිබේ.
3. නේටෝව යුගොස්ලවියාවට නොනවත්වා බෝම්බ දමා පහර දුන්නේ 1991 දීය . ඒ බොස්නියන් මුස්ලිම් වරුන් ට එරෙහිව ක්‍රියාත්මක කල යුද්ධය නිසාය. මෙයටද එක්සත් ජාතින් ගේ අනුමැතිය ලැබුනේ නැත. නේටෝව එය නොතකා ස්වාධින රටක් වූ යුගොස්ලවියාවට පහර දුන් අතර එනිසාම බෙදී වෙන්වූ රාජ්‍යයක් බවට පත්විය. හේතුව වුයේ සුළු ජාතීන්ට අමානුෂික ලෙස සැලකීම සහ යුදමය ලෙස පහර දීමයි. (කෝසොවෝ). යුගෝස්ලාවියාව බිඳී යාම ගැන පසු තැවුනත් එම රට සුළු ජාතීන්ට හොඳින් සැලකුවේ නැති සිතා එයද මට සාධාරණීකරණය කර ගතිමි. මේ මම ඒ ගැන ඒ කාලයේ ලියු ලිපියකි.
4. සිරියාවේ ප්‍රශ්නයට රටවල් කිහිපයක්ම මැදිහත් වුනි. ඒ අයිසිස් නිසාය. නමුත් අයිසිස් නිර්මාණය වුනේද බයිඩන් ගේ පුත්‍රයා සහ ඊශ්‍රායල සම්බන්ධයකිනි. ඒ අසාද් බලයෙන් පහ කිරීමටය. ඒ ගැන මම ලිපි පෙළක්ම ලියා තිබේ. මේ අවසාන ලිපියයි . නමුත් අයිසිස් සංවිධානය ලෙවන්ත් නමැති පැරණි රාජ්‍යය සැදීමට උත්සුක වුන අතර ඔසාමාගේ අල් කයිඩා සංවිධානය මෙන් ඔවුන්ද ඇමෙරිකානුවන් ගොනාට ඇන්දූහ. (ඔසාමා සහ මුජෙහදින් සෝවියට් ආක්‍රමණයට එරෙහිව පුහුණු කලේ ඇමෙරිකාවයි) . මේ නිසා ඇමෙරිකාව ඉරාක කුර්දි හා මෙහ්දී වරුන් ට අවි සපයා අයිසිස් වරුන්ට එරෙහිව ප්‍රොක්සි යුද්ධයක් දියත් කළේය. ඒ සමගම අස්ථාවර වුනු සිරියාවේ අසාද්වි ට එරෙහි විධ ත්‍රස්තවාදී කණ්ඩායම් වලට උදව් කළේය.මේ සියල්ල කලේ එක්සත් ජාතීන්ගේ අනුමැතිය නැතිවය. එක්සත් ජාතීන්ගේ අනුමැතිය නැතිව පැමිණි පූටින් ගේ රුසියානු යානා අලෙප්පෝ නගරය බෝම්බ දමා සමතලා කළේය. ඉරානය තව පැත්තකින් පහර දුන්නේ අයිසිස් අන්තවාදීන්ට ඔවුන්ද විරුද්ධ හෙයිනි. මේ යුද්ධයේදී මම සිරියාව පැත්ත ගැනීමට මුලික හේතුව වුනේ අසාද් තම රටේ මිනිසුන්ට හොඳින් සැලකීම නිසාය. මට සිරියානු යහළුවන් බොහොමයක් සිටි අතර තරුණ තරුණියන් දෙකොටසටම විදේශ රටවල ඉගෙනීමට රජයෙන් ශිෂ්‍යත්ව දුනි. ඔවුන්ගේ නිදහස් සෞඛ්‍ ය සේවයක් හා නිදහස් අධ්‍යාපනයක් ඇති ඇති අතර සවුදියේ මෙන් නොව තරුණියන්ට රිය පැදවීමට හා රැකියාව කිරීමට ද පිරිමියෙකු නැතිව ඇවිදිමටද නිදහස තිබේ. එවැනි රටක් අයිසිස් වැනි අන්තවාදී සංවිධානයක් අල්ලා ගැනීම අපරාධයක් ලෙස සැලකුවෙමි.
පුටින් සිරියාවට මැදිහත් වුයේ එහි රුසියානු නාවුක හමුදා භාවිතා කරන වරායක් තිබෙන නිසාය.
සිරියාවේ මිලියනයක පමණ වූ දේශපාලන අනාථයන්ට වැඩිපුරම රැකවරණ දුන්නේ ජර්මනියයි. ප්‍රශ්නය ඇති කල රටවල් පවා ඒ දේශපාලන අනාථයන් භාර ගත්තේ නැත.
5. යේමනයේ යුද්ධයේදී සවුදි අරාබිය සහ ඊජිප්තුව කෙලින්ම ඉරානය සහයෝගය දෙන හුති ගරිල්ලනට විරුද්ධව අනිත් පැත්තට ආයුධ දීම පමණක් නොව බෝම්බද දමති. අවුරුදු හතක් තිස්සේ දිග ඇදී යන මේ යුද්ධයේ අනාථයින් බොහෝය. ඔවුන්ට යාමට රටක් නැත. දරුවන් මන්දපෝෂණයෙන් පෙලෙයි. දරුවන් දහදාහක් පමණ දැනට මිය ගොස් තිබේ.
පූටින් ද ඉහත අන්දමේ තර්ක කිහිපයක් එකතු කර තිබේ. මා ඒවා ලිවූ පසු විවේචනය කල බොහෝ අය පැවසුවේ මා පූටින් ගේ ආක්‍රමණය සාධාරණිකරණය කරන බවයි. මධ්‍යස්ථ ස්ථාවරයක් ගැනීම යනු පූටින් ගේ පැත්ත ගැනීම බවත් තිබෙන එකම නිවැරදි ස්ථාවරය යුක්රේන් පැත්ත බවත් ප්‍රබල මතයක් සමාජ මාධ්‍ය වල පැතිරෙයි. මේ මතයට හේතුව මාධ්‍ය වල මෙහෙයුම යයි සිතමි. ලිබරල් සුරතලෙකු වන පකිස්ථාන අගමැති ඉම්රාන් ඛාන් ද ඉන්දියාවද රැගෙන ඇත්තේ මධ්‍යස්ථ ස්ථාවරයකි. ඒ කියන්නේ මේ අයට අනුව ඒ පූටින් ට සහය දැක්වීමකි.
මේ හිස්ටිරියාව ඇති කර ඇත්තේ මාධ්‍ය විසිනි. මෙහි දරුණු බව කෙතරම්ද යත් ඩොස්ටොයෙව්ස්කි ගේ පොත් පිළිබඳ උගන්වන විශ්ව විද්‍යාල පාඨමාලා ඉවත් කර තිබේ. පූටින් ගේ ආක්‍රමණය හා ඩොස්ටොයෙව්ස්කි අතර සම්බන්ධය හරියට හැත්තෑ එක කැරැල්ලේදී ලංකා පොලිසිය “ගම් පෙරළිය ” පොත අත් අඩංගුවට ගත්තාක් මෙනි. වොඩ්කා තහනමට අමතරව චයිකොව්ස්කි වැන්නන් ගේ සම්භාව්‍ය සංගීතයද ඔපෙරා ආදියෙන් ඉවත් කරමින් යයි. මෙය විකාරයකි.
පූටින් ගේ එක තර්කයක් නාසි හමුදාය.
බටහිර මෙන්ම ශ්‍රී ලංකාවේ ලියන්නන් ගේ ද ප්‍රධාන තර්කයක් වන්නේ නාසි කොටස යුක්රේනයේ නැත යන්නය. ඒ මදිවාට මෝඩ තර්කද ඉදිරිපත් කරති. එනම් අසොව් බලකාය හැදුනේ යුක්රේනයේ සටන් කරන චෙචේනියානු මුස්ලිම් බලකායට විරුද්ධව කියාය. සුදු ජාතිවාදීන් (white nationalist group) විසින් එම බලකාය එය පිහිටෙව්වේ 2014 දීය. එදා සංචිතය භටයන් 12000 කින් සමන්විත වුවකි. .
මේ තිබෙන්නේ එම බලකාය ගැන වීඩියෝ එකකි.
මේ බිබිසි මගින් යුක්රේනයේ නාසීන් ගැන 2018 දී කළ විඩියෝවකි.
මේ 2015 එකකි. මින් පෙනී යන්නේ මේ කණ්ඩායම් ඊයේ පෙරේදා හැදුනු ඒවා නොවන බවයි. නාසි හමුදා ඛණ්ඩාංක සමහර නම් මෙසේය: ස්වබෝදා (නිදහස ) , ප්‍රාවී සෙක්ටර් (දකුණු අංශය ) , නැෂනල් කෝ , ඇසොව් හමුදාව, අයිඩර් හමුදාව, දොන්බාස් හමුදාව, ද්නිපර් -1 හමුදාව. ද්නිපර් -2 හමුදාව. Svoboda, Pravy Sektor, National Corps, C14, the Azov Battalion, the Aidar Battalion, the Donbas Battalion, the Dnipro-1 Battalion, the Dnipro-2 Battalion
හැබැයි යුක්රේනයට මේ චෝදනාව ගෙන ආවද පූටින් ගේ රුසියාවේද තරුණ තරුණියන්ට කැපවුණු ජාතික ව්‍යාපාරයක් ඇත. අරුම පුදුම ලෙස එහි නම් නාශි ය. නාශි යන රුසියානු වචනයේ තේරුම “අපි ” යන්නය. නමුත් එය බොහෝවිට බටහිර විරෝධී ජාතිවාදී සංවිධානයකි. එය ඔලිගාර්ක් ලට , නාසින්ට , ෆුට්බෝල් රස්තියාදුකරුවනට විරුද්ධ සංවිධානයක් වුවද විරුද්ධ පාක්ෂිකයන්ට පහර දුන් අවස්ථා ඇත.
සෙලෙන්ස්කි මේ අයට මුලදී සහයක් දැක්වූයේ නැත. ඔහු රුසියාව සම්බන්ධව මිත්‍රශීලි ප්‍රතිපත්තියක් අනුගමනය කළේය. නමුත් ඔහුට විරුද්ධව විරෝධතා (යනුකොවිච් ට මෙන්) වැඩි වන විට ඔහු මෙම කණ්ඩායම් යුක්රේනයේ සාමාන්‍ය හමුදාවට අනුයුක්ත කළේය. (ඇසොව් බලකාය අනුයුක්ත කලේ ඊට කලිනි)
දැන් යන මාධ්‍ය මෙහෙයුම අතිශය අන්තරාකාරී එකකි. මධ්‍යස්ථ හා රුසියාව පැත්තට කතා කරන කිසිම දෙයක් ෆේස්බුක්, ගූගල් හා යුටියුබ් වලින් ඉවත් වෙමින් පවතී. එසේ වන්නේ යුක්රේනියානු ජාතිවාදීන් බොහොමයක් ඒවාට එරෙහිව චෝදනා කරන හෙයිනි. ඔවුන්ට අවශ්‍ය රුසියාව සමග යුද්ධයයි. රුසියාවට අවශ්‍ය ඔවුන් නිරායුධ කිරීමයි. නේටෝවට අවශ්‍ය පුටීන් ඉවත් කිරීමටයි. පුටීන් ට සහ බහුතරයක් රුසියානුන් ට අවශ්‍ය නේටෝව රුසියාව අසලට මිසයිල සමග නොපැමිණීමයි. රුසියාවේ තත්වය ඊට දෙවැනි නැත. රුසියාවේ නිදහස් මාධ්‍ය සියල්ල තහනම් කර හෝ වසා දමා ඇත. රුසියානුන් දන්නේ ජනාධිපති පූටින් අනුමත කරන දේ පමණකි. යුක්රේන ප්‍රශ්නය ගැන කාලයකට කලින් පටිගත කෙරුණු වීඩියෝවක් තිබේ.
