ඊයේ (27) ජිනීවා හි එක්සත් ජාතීන්ගේ මානව හිමිකම් කවුන්සිලයේ 19 වැනි සැසියේ ඉහළ පෙළේ හමුව අමතා වැවිලි කර්මාන්ත අමාත්‍ය, මානව හිමිකම් පිළිබඳ ජනාධිපති විශේෂ දූත හා ශී‍්‍ර ලංකා නියෝජිත කණ්ඩායම් නායක පාර්ලිමේන්තු මන්ත‍්‍රී මහින්ද සමරසිංහ මහතාගේ ප‍්‍රකාශය Read the full story

ජිනීවාහි පැවැත්වෙන ජගත් මානව හිමිකම් සමුළුවේදී ශ්‍රී ලංකාවට කිසිදු සහය සහයක් ලබා නොදෙන ලෙස තමිල්නාඩුවේ හිටපු මහ ඇමති, ටි.එම්.ඒ. පක්ෂයේ නායක මුතුවේල් කරුණානිධි මහතා ඉන්දීය රජයෙන් ඉල්ලීමක් කර ඇති බව එරට මාධ්‍යය වාර්තා කරයි.
Read the full story

රාවය කියන්නේ කුමන මතවාදයක් වෙනුවෙන් ක්‍රීයාත්මක වන පුවත් පතක්ද එහි ප්‍රධාන කර්තෘවරයා නියෝජනය කරන්නේ කුමන මතවාදයක් ද යන්න නොදැන රාවය පුවත් පතෙහි පාඨකයෙකු හෝ ලේඛකයෙකු වන්නට කිසිවකුටත් නොහැකිය. නමුත් මේ වන විටත් ඇතැමි වාමාංශික බුද්ධිමතුන් මෙය නොදන්නා ආකාරයට හැසිරෙනු ලබන ආකරය අප දිගින් දිගටම දුටිමු. රාවය පුවත් පත සමග ආදරයෙන් බැදී සිටින පැරණි වාමාංශිකයන් විකටර් අයිවන් මහින්ද රාජපක්ෂ හට කඩේ යන බව දැන දැනම නොදන්නා ආකාරයට හැසිරෙමින් සිටියි.

 
මේ නිසාම ඊයේ ( 28 ) පැවති රාවය විසිපස්වන සංවස්තරයට පැමිණි මෙවැනි වාමාංශික බුද්ධිමතුන්ගෙන් පිරිසක් එම උත්සවය වර්ජනය කරමින් යළි පිටව ගියේ ජනාධිපති ආරක්ෂ අංශය විසින් මෙහි පැමිණි සියල්ලන්ම පරීක්ෂාවට ලක් කරණු ලැබීමට විරෝධය පල කරමිනි. සාමාන්‍යයෙන් රටේ රාජ්‍ය නායකයා සහභාගී වන ඕනෑම උත්සවයකදී මෙලෙස ජනතාව පරීක්ෂාවට භාජනය කරනු ලැබීම සමාන්‍ය සම්ප්‍රදායයි. මෙලෙස ජනාධිපති ආරක්ෂක අංශය විසින් පරීක්ෂා කරණු නොලැබීමට තරම් මේ පැරණි වාමාංශිකයන් සතු දිව්‍යමය වටිනාකම කුමක් දැයි අසන්නට අප කැමැත්තෙමු.

පවතින ධනවාදී ක්‍රමය සමග ලිබරල් ආකාරයෙන් සමිබන්ධ වී සිටින මේ ධනවාදී සමාජ ක්‍රමය තවදුරටත් පවත්වා ගෙන යන්නට දරදිය අදින මෙවැනි වාමාංශ්කයන්ගේ කන්‍යභාවය ජනාධිපති ආරක්ෂක අංශය මගින් අතගෑම නිසා විනාශ වන බව අප දැන සිටියේ නැත. මේ නිසා ඊයේ විරෝධය පල කරමින් පිටව ගිය සියල්ලන් තමන්ගේ රැඩිකල් භාවය ප්‍රදර්ශනය කලා යැයි සිතනවා වන්නට පුලුවන. අපට අනුව නම් මෙය තවත් එක් ලිබරල් විරෝධය පෑමක් පමණි. මේ විරෝධය නිසා පවතින ධනවාදී සමාජ දේශයේ එක් මයිල් ගසක්වත් සෙලවෙන්නෙවත් නැත. මේ මොහොතේ අවශ්‍යව ඇත්තේ අප නොවිදින මහින්ද විදින විනෝදය කුමක්ද යන්න කල්පනා කිරීම නොව ධනවාදී දේශපාලන, ආර්ථික සහ සමාජයීය රටාව වෙනස් කරන්නේ කෙලෙසද යන්නයි.

 
මෙවැනි ලිබරල් විරෝධය පෑම් සිදු කරන ගමන්ම මේ වාමාංශ්ික බුද්ධිමතුන් පවතින ධනවාදී ක්‍රමය නඩත්තු කරන්නට උපරිමයෙන් සහය පල කරයි. මෙම අවස්ථාවට සහභාගී වීම ලසන්ත රුහුණුගේ විසින් ප්‍රත්ක්ශේප කරණු ලැබ තිබුනි. මීට පෙර නිදහසේ වෙිදිකාව විසින් සංවිධානය කල රැස්වීමකට ද සහභාගී වූ ඔහු සිය බෑගය ආරක්ෂක අංශ වෙත පෙන්වීම ප්‍රතික්ශේප කර රැස්වීම වර්ජනය කලේය. ඒ අනුව ඔහු සිය කන්‍යභාවය මුල පටන්ම රැක ගන්නට සමත් වූ බව අප කියන්නෙමු. සාමාන්‍යයෙන් ධනවාදී සමාජ ක්‍රමයේ සියලු පල භූක්ති විදින අතරම සිය ශරීරය වෙනකකු විසින් අත ගෑමට එරෙහිව තමන්ට දිව්‍යමය බලයක් ඇතැයි සිතා සිටින මේ පැරණි වාමාංශිකයන්  නොදන්නා දේශපාලන යතාර්ථය වන්නේ තමන් මේ වන විටත් ජීවත් වන්නේ ධනවාදී සමාජයක වන බවයි. මේ නිසා පවතින සමාජය ධනවාදී සමාජයක් බව නිවරදිව අවබෝධ කර නොගෙන සමාජවාදය ගොඩ නගන්නේ කෙලෙස දැයි අපි මේ අයගෙන් අසන්නට කැමැත්තෙමු.
 

“රාවය” පුවත්පතට වසර විසි පහක්‌ සපිරීමේ සැමරුම් උළෙල ජනාධිපති මහින්ද රාජපක්‌ෂ මහතාගේ ප්‍රධානත්වයෙන් ඊයේ (28 දා) සවස පැවැත්විණි. එම අවස්‌ථාවට ජනාධිපතිවරයා සමගින් අගමැති දි. මු. ජයරත්න, විපක්‌ෂ නායක රනිල් වික්‍රමසිංහ, දෙමළ ජාතික සන්ධානයේ නායක පාර්ලිමේන්තු මන්ත්‍රී ආර්. සම්බන්ධන් හා “රාවය” කර්තෘ වික්‌ටර් අයිවන් යන මහත්වරු එක්විය. Read the full story

මේ රටේ ජනවාර්ගික  ප්‍රශ්නයක්‌ නැහැ. තියෙන්නේ ත්‍රස්‌තවාදයක්‌ පමණයි කියලා කට ඇරල කියන්න පුළුවන් කම  තිබුනේ මේ රටේ එකම ජනාධිපතිවරයකුට පමණයි. ඒ තමා ඩී. බී. විඡේතුංග මහතා. එතුමාට එහෙම  කියන්න පුළුවන් කම තිබුණේ ඔහු ළඟ බල ලෝභය නොතිබූ නිසයි. එහෙත් මේ රජයට බැරිවුණා ඒ  තත්ත්වයට යන්න.
 යෑයි දේශ හිතෛෂී ජනතා ව්‍යාපාරයේ සභාපති ආචාර්ය ගුණදාස අමරසේකර මහතා රත්නපුරදී පැවසුවේය. Read the full story

ආණ්ඩුවට සහයෝගය පළකරගැනීම සදහා අද (27) පැවැත්වෙන උද්ඝෝෂණවලට රාජ්‍යබලය යොදවාගත් ආකාරය සාක්ෂි සහිතව හෙලිවෙමින් තිබේ.

ඇඹිලිපිටිය ප්‍රාදේශීය සභාවේ සභාපති පූජ්‍ය වේවැල්දූවේ ඥාණපහ හිමිගේ අත්සනින් කඩසාප්පු වහන ලෙස දැන්වීමක් නිකුත්කර තිබේ.

දික්වැල්ල පොලිස් බල ප්‍රදේශය තුල විරෝදතාවට එක්නොවූ ත්‍රීරෝද රථ රියදුරන්ගේ බලපත් බලහත්කාරයෙන් පොලීසිය යොදවා පැහැරගෙන ඇත. එසේම ත්‍රීරෝද රථ ගාල් තුල ඔවුන්‍ට රැදීසිටීමට ඉඩ නොදී මේ වන විටත් පලවා හරිමින් සිටී.

රටේ විවිධ ප්‍රදේශවල සමෘද්ධි බැංකු වසා දමා උද්ඝෝෂනවලට සහභාගීකරවාගෙන ඇත. කිසියම්හෝ බැංකුවක් මෙසේ හිතූමතයේ වසාදැමිය නොහැකිය. ඒ සදහා බැංකු මූල්‍ය අධ්‍යක්ෂකගේ පූර්ව ලිඛිථ අනුමැතිය ලබා තිබිය යුතුය. එහෙත් එවැන්නක් නොකර සමෘද්ධි බැංකු වසා දමා ඇත.

බොහෝ පාසැල්වල සිසුන්ද මෙම උද්ඝෝෂණවලට සහභාගීකරවාගෙන ඇත්තේ පොලීසියද යොදාගනිමින්ය. රැකියා විරහිත උපාධිධාරීන්, භූමිතෙල් සහනාධාරය අපේක්ෂාකරන ජනතාව ඇතුළු බොහො දෙනෙකු මෙලෙස විරෝධතාවලට යොදාගෙන තිබේ.

බොරු දේශප්‍රේමයෙන් විදේශ ආයෝජන කඩාවැටේ

එක්සත් ජාතීන්ගේ මානවහිමිකම් කොමිසමට ශ්‍රී ලංකාවට එරෙහි යුධ අපරාධ පිළිබද චෝදනා ගෙනඑන්නේයැයි පවසමින් ආණ්ඩුව විසින් රටපුරා සංවිධානය කර තිබූ උද්ඝෝෂණ නිසා රටට ගලාඒමට තිබූ විදේශ ආයෝජන සහ විදේශීය ණය ගැනීම්, භාණ්ඩාගාර බැදුම්කර හරහා ණයගැනීම් යන සියල්ල බිදවැටියහැකි බව මුදල් අමාත්‍යංශයේ උසස් නිලධාරියෙකු පෙන්වාදෙයි.

මේවන විටත් රාජ්‍ය වියදම් පියවාගැනීමේ දැඩි අර්බුදය මෙන්ම විදේශ සංචිත බිදවැටීම යන ප්‍රධාන අර්බුද දෙක පැණනැගී ඇති පසු බිමක විදේශ ආයෝජන සහ ණය ලැබීම් බිදවැටුන හොත් අර්බුදය තවත් තීව්‍රරවනු ඇතැයි එම නිලධාරීයා පෙන්වාදෙයි. මේවන විටද විදේශ ණය සහ පොලී ගෙවීම දසහා රුපියල් කෝටි 7200ක් සොයාගැනීමට විදේශ බැදුම්කර ඇතුළු ණය උපකරණ භාවිතාකිරීමට සූදානමින් සටින වටපිටාවක මෙවැනි උද්ඝෝෂණ පැවැත්වීමෙන් ආර්ථිකය තවතවත් බිදවැටීමට රුකුල් දෙන්නේයැයි හෙතෙම අවධාරණය කළේය

ඊනියා දේශප්‍රේමී උද්ඝෝෂණවලට ළදරුවන් යොදාගනී

ආණ්ඩුවට සහයෝගය පළකරගැනීමට යැයි කියමින් රටපුරා පවත්වන ලද ඊනියා දේශප්‍රේමී උද්ඝෝෂණවලට ළදරුපාලස් දරුවන්ද එක්කරගත් අයුරු.

 ජනතා විමුක්ති පෙරමුණ විසින් ඉහත ප්‍රවෘත්ති පලකරනු ලැබ තිබුනේ සිය නිළ වෙබ් අඩවිය වන ලංකා ටෲර්ත් හීය. ඒ  අනුව ඔවුන් විසින් මේ මොහොතේ පවතින ජාතිවාදය සම්බන්ධයෙන් ඉදිරිපත් කර තිබෙන නිර්වචනය වන්නේ මේ මොහොතේ පවතින්නේ බොරු ජාතිවාදයක් නැති නම් ඊනියා දේශප්‍රේමයක් වන බවයි. මේ නිසා ඔවුන් විසින් මේ ජාතිවාදය් නැතිනම් දේශප්‍රේමයේ බෙදුම් ඉර සලකුණු කරන්නේ කුමන පදනමක සිටද යන්න පළමුව අප විසින් නිර්වචනය කර ගන්නට උත්සහා කලෙමු. ඒ අනුව අපට පැහැදිලි වන්නේ අනුර දිසානායක ප්‍රමුඛ ජාතිවාදය වෙනුවෙන් තව දුරටත් පෙනී සිටින ජනතා විමුක්ති පෙරමුණට ඔවුන් විසින්ම නිර්මාණය කල විශේෂ උපකරණයක් නැතිනම් කෝදුවක් තිබෙන බවයි. ඒ කෝදුව මගින් ඔවුනට සැබෑ දේශප්‍රේමය සහ ඊනියා දේශප්‍රේමය හරියටම බෙදා වෙන් කරන්නට පුලුවන. මේ නිසා ඔවුන්ගේ මැනුම් උපකරණයට අනුව මේ දවස් වල ජිනීවා වලට එරෙහිව ක්‍රියාත්මක වන්නේ බොරු නැතිනම් ඊනියා දේශප්‍රේමයයි.

ඒ අනුව බලන කළ මේ ඊනියා දේශප්‍රේමීන් යනු රජය විසින් බලහත්කාරයෙන් මහපාරට ගෙන්වන ලද පිරිසකි. මේ උදවිය සැබැවින්ම ජාතිවාදීන් හෝ දේශප්‍රේමීන් නොවන අතර ඔවුන් මේවාට සහභාගී වන්නේ රජයේ බල කිරීම මත හෝ සිය ගමේ ඇමතිවරයාගේ, මන්ත්‍රීවරයාගේ හිත සතුටු කරන්නට හෝ සිය රැකියාව බෙිරා ගැනිම වැනි කටයුත්තක් වෙනුවෙනි. ඒ නිසා මේ පාරට බැස දේශප්‍රේමය වෙනුවෙන් හඩ නගන උදවිය යනු සැබැවින්ම දේශප්‍රේමීන් නොවේ. මෙය හරියටම ලකුණු කර පෙන්වන්නේ ජනතා විමුක්ති පෙරමුණ සතුවති තිබෙන අරුම පුදුම බෙදුම් උපකරණයෙනි. ඒ අනුව තව දුරටත් සැබෑ දේශප්‍රේමීන් නැති වම් ජාතිවාදීන් සිටින්නේ ජනතා විමුක්ති පෙරමුණ තුලය. මීට පෙර ජනතා විමුක්ති පෙරමුණ විසින් මහපාරට ගෙන්වා උද්ඝෝෂණය කළ සැබෑ ජාතිවාදීන් මෙන් නොව මේ ඊනියා ජාතිවාදීන් ගැන එසේ නම් අප කලබල විය යුතු නැත. ඒ අනුව මේ කාලයේ සියල්ල සිදුවන ආකාරය සම්බන්ධයෙන් පවතින මතවාදයක් වන්නේ යථාර්ථය සහ සැබෑව අතර හිඩසක් නැතිනම් ගැප් එකක් පවත්වා ගනිමින් සියල්ලන්ම ජීවත් වන බවයි. ඒ අනුව මේ උද්ඝෝෂණ වලට සහභාගී වී ඇත්තේ ඇත්තටම ජාතිවාදීන් හෝ දේශප්‍රේමීන් නොව වෙනත් පිරිසකි. 
 

පසුගිය දා හලාවතදී පැවති ධීවර උද්ඝෝෂණයක දී හමුදාවේ වෙඩි පහරින් මියගිය ඇන්තනි ප්‍රනාන්දු නම් ධීවර සහෝදරයා ගැන විවිධ ශෝක ප්‍රකාශ, කවි, අටුවා,ටීකා, ටිප්පනී ලියවිණි. ලංකාවේ වෙබි ජනමාධ්‍ය ඇතුලු බොහෝ විද්‍යුත්,මුද්‍රිත සහ ඩිජිටල් මාධ්‍යයේ ඇන්තනිගේ මරණය ගැන විවිධ දෑ ලියවිණි. Read the full story

ජිනීවා නුවරදී පෙබරවාරි 27 දින ආරම්භ වී මාර්තු මාසයේදී පැවැත්වෙන මානව හිමිකම් කවුන්සිලයේ න්‍යායපත‍්‍රය කුමක්වනු ඇත්ද? රටේ අනාගත ඉරණම පිළිබඳ උනන්දු වන බොහෝ පිරිස් මේ දිනවල නගන ප‍්‍රශ්නය එයයි. පසුගිය දිනවල දේශීය සහ විදේශීය දේශපාලන කරලියේ රගදැක්වුනු සහ මේ වන විට රගදැක්වෙමින් පවතින විවිධ නාටක ගැඹුරින් විග‍්‍රහ කිරීමෙන් ඒ පිළිබඳ යම් අදහසක් ලබාගත හැක. නමුත් දේශපාලන ඉව තබෙන මිනිසුන්ට ඔවුන්ගේ න්‍යායපත‍්‍රය මනසින් දැකිමේ අපහසුවක් නැත. කෙසේවෙතත් අවසානයේ සමස්ථ ජාතියට මුහුණදීමට ඇති අභියෝගය වන්නේ දැනටමත් නිශ්චිත ඒ න්‍යායපත‍්‍රය ක‍්‍රියාත්මක වීම නවත්වන්නේ හෝ වෙනස් කරන්නේ කෙසේද යන්නයි. Read the full story

ඇමරිකානු යෝජනාවට විරුද්ද වන්නේ දේශද්‍රෝහීන් – වික‍්‍රමබාහු

මේ දවස් වල ජිනීවා හී පැවැත්වෙන මානව හිමිකම් සමුලුව නිසා බොහෝ අය කලබලයට පත්ව විවිධ ප්‍රකාශයන් නිකුත් කරන ආකාරය අපට දක්නට පුලුවන. විමල් වීරවංශට අනුව මේ සිදු වෙමින් පවතින්නේ අධිරාජ්‍යවාදී කුමණ්ත්‍රනයකි. මේ කුමන්ත්‍රණය පරදන්නට අප ජාතියක් වශයෙන් එකාවන්ව පෙළ ගැසිය යුතුය. ජනතා විමුක්ති පෙරමුණේ අනුර කුමාර දිසානායක සහ එක්සත් ජාතික පක්ෂයේ රවී කරුණානායක පවසන්නේ අප විසින් හේග් සම්මුතියට අත්සන් නොකළ නිසා අපට එරෙහිව යුධ අපරාධ චෝදනා නගන්නට හෝ මේ රටේ නායකයින් ජාත්‍යන්තර යුධ අපරාධ අධිකරණය ඉදිරියට පමුවන්නට කිසිවකුටත් හැකියාවක් නොමැති බවයි. හෙළ උරුමයේ නිශාන්ත ශ්‍රී වර්ණසිංහට අනුව මෙය සිංහල ජාතිය විනාශ කරන්නට ඇමරිකාව විසින් දියත් කළ කුමන්ත්‍රණයකි.
 

මේ සියල්ලන්ම යළි යළිත් මේ තහවුරු කරමින් සිටින්නේ තමන් ජාතිවාදය වෙනුවෙන් තව දුරටත් පෙනී සිටින බවය. නමුත් මේ වන විටත් තමන් ජාතිවාදයෙන් ඉවත් වූ බවට ප්‍රකාශ කරන ජන අරගල ව්‍යපාරය මේ සම්බන්ධයෙන් කිසිදු නිළ නිවෙිදනයක් නිකුත් නොකර සිටින්නේ ඇයි? සමහරක් විට ඔවුනට මේ සම්බන්ධයෙන් ඉදිරිපත් කරන්නට තියරියක් සොයා ගන්නට නොහැකි වන්නට ඇතැයි අප සිතමු. මේ නිසා ජන අරගල ව්‍යාපාරයට මේ ගැන කියන්නට තියරියක් ලබා දෙන්නට අපි අදහස් කලෙමු. ඒ අනුව අප විසින් ඉදිරිපත් කරන තියරිය අපේ නම සදහන් නොකර ඔවුන්ගේ මෙන් ඉදිරිපත් කරන්නට පුබුදු ජයගොඩලාට පුලුවන. ඒ ගැන අපේ විරෝධයක් ද නැත.
සාමාන්‍යයෙන් කුඩා කල සිට දරුවන්ගේ මනස ව්‍යුහගත වන ආකාරය  අනුව ඔවුනට සිතෙන්නේ පියාට මෙන්ම මවටත් පුරුෂ ලිංගයක් තිබෙන බවයි. නමුත් ස්ත්‍රිය විසින් අවසාන වශයෙන් සිය පෑන්ටිය ගැලවූ පසු ඇයට පුරුෂ ලිංගයක් නොමැති බව අවබෝධ වෙයි. මෙය දුටු සැනින් පුරුෂ ලිංගයක් ඇතැයි මෙතරම් දවසක් සිතා සිටි අය අවුලට පත්වෙයි.
මේ අනුව ලංකාවේ පංති අරගලය නැමති සංකල්පය වැසී තිබෙන්නේ දෙමලා නම් පෑන්ටිය මගින් බව අප කියන්නෙමු. මේ දෙමලා නැමති පෑන්ටිය ගැලවූ සැනින් අපට යළි මුණ ගැසෙන්නේ පංතිය අරගලය නම් සැබැව වෙතටයි. එවිට අප ජීවත් වන්නේ ධනවාදී සමාජයක බව අපට අවබෝධ වන්නට පටන් ගනී.

මේ නිසා මේ අවස්ථාවේ ජන අරගල කණ්ඩායම කළ යුත්තේ දෙමලා නැමති පෑන්ටිය ගලවා දමා පංතිය අරගලය නම් සංකල්පය විවෘත කර පෙන්වීමය. එසේ නැතිනම් දිගින් දිගටම සිදු වන්නේ ලංකාවේ පංති අරගලය දෙමලා නැමති පෑන්ටියෙන් වැසී පැවතීමය. ඒ නිසා තමන් ජාතිවාදයට විරුද්ධ නම් මේ තියරිය මත පිහිටා කටයුතු කිරීම මේ මොහොතේ අවශ්‍ය වන බව අප ජන අරගල කණ්ඩායමට කියන්නට කැමැත්තෙමු. එවිට අපට දෙමල පැන්ටිය පසකින් තබා ප්‍රාග්ධනයට විරුද්ධ විප්ලවය ආරම්භ කල හැක.

ඊයේ (පෙබ. 27) ජිනීවාහිදී ඇරඹුණු එක්සත් ජාතීන්ගේ මානව හිමිකම් කවුන්සිලයේ 19 වැනි සැසියේ ආරම්භක දේශනය පැවැත්වූ එම කවුන්සිලයේ ප‍්‍රධානී නවී පිල්ලේ ශී‍්‍ර ලංකාව පිළිබඳව කිසිදු සඳහනක් සිදු නොකළාය.

ඒ වෙනුවට, තම දේශනය මඟින් සිරියාවේ පවතින තත්ත්වයට කවුන්සිලයේ වැඩි අවධානය ඇය යොමු කළ බව වාර්තා වේ.

පිල්ලේ මහත්මිය වැඩිදුරටත් කියා සිටියේ, එජා මානව හිමිකම් කවුන්සිලයේ නිර්දේශ සාමාජික රටවල් කි‍්‍රයාත්මක කරන බවට වන සහතිකයක් ලබාගැනීමේ යාන්ත‍්‍රණයක් අවශ්‍ය බවටයි.

මේ අතර, බි‍්‍රතාන්‍ය රාජ්‍ය ඇමති ජෙරමි බ‍්‍රවුන් තම දේශණය පවත්වමින් ශී‍්‍ර ලංකාවෙන් ඉල්ලා සිටියේ, උගත් පාඩම් හා ප‍්‍රතිසන්ධානය පිළිබඳ කොමිසමේ නිර්දේශ කි‍්‍රයාත්මක කරන ලෙසට විදෙස් රටවල් ඉල්ලා සිටින්නේ රටට සහාය වීමේ හා එක්ව කටයුතු කිරීමේ යහපත් චේතනාවෙන් බව අවබෝධ කරගන්නා ලෙසටයි.

මානව හිමිකම් සහතික කිරීමට රාජ්‍යයන් අසමත් වන අවස්ථාවන්හිදී වෙනසක් ඇති කරලීම සඳහා එජා සංවිධානයේ මානව හිමිකම් ආයතන කි‍්‍රයාත්මක වීම හා සහාය වීම අවශ්‍ය බව ඔහු අවධාරණය කොට සිටියේය.

තමන් අගමැතිව සිටියදී රෝම ප්‍රඥප්තියට අත්සන් තැබීම ප්‍රතික්‍ෂේප කළ නිසා මහින්ද රාජපක්‌ෂ ජනාධිපතිවරයා ඇතුළුව කිසිදු ශ්‍රී ලාංකික පුරවැසියකු ජාත්‍යන්තර අපරාධ අධිකරණය වෙත පැමිණවිය නොහැකි බව එක්‌සත් ජාතික පක්‌ෂ නායක සහ විපක්‌ෂ නායක රනිල් වික්‍රමසිංහ මහතා ඊයේ (26 වැනිදා) විශේෂ ප්‍රකාශයක්‌ කරමින් Read the full story

රටපුරා උද්ඝෝෂණ පැවැත්වීමෙන් පමණක් මේ අවස්ථවේ රටට එල්ලවී ඇති අභියෝගය ජයගත නොහැකි බව එක්සත් ජාතික පක්ෂයේ මහලේකම් තිස්ස අත්තනායක මහතා පවසයි. Read the full story

එක්‌සත් ජාතීන්ගේ රෝම ප්‍රඥප්තියට අනුව ශ්‍රී ලංකාවේ දේශපාලන නායකයකුට හෝ කිසිදු නිලධාරියකුට දඬුවම් කිරීමේ හැකියාවක්‌ එක්‌සත් ජාතීන්ට නැතැයි ජනතා විමුක්‌ති පෙරමුණේ දේශපාලන මණ්‌ඩල සභික පාර්ලිමේන්තු මන්ත්‍රී අනුර කුමාර දිසානායක මහතා ඊයේ (26 දා) ප්‍රකාශ කළේය.
Read the full story

ඇමරිකාව ඇතුළු බටහිර රටවල් මේ වෙලාවේ ලංකාවට එරෙහිව ප්‍රබල පීඩනයක්‌ එල්ල කරනවා. නමුත් අපි රටක්‌ විදියට ඔවුන් ඉදිරියේ දණ නොනැමිය යුතුයි. වෙන්න පුළුවන් නරකම දේට මුහුණ දෙන්න ජාතිය පෙළගැස්‌විය යුතු යෑයි ජාතික හෙළ උරුමයේ ජාතික සංවිධායක නිශාන්ත ශ්‍රී වර්ණසිංහ මහතා ඉකුත්දා (25 දා) ගාල්ලේදී පැවැසීය. Read the full story

සමබිම පාඨක සමාජයේ හමුවීමක් පෙබරවාරී මස 26 වන ඉරිදා ( ඊයේ ) ගම්පහ සණස ශාලාවේ දී පවත්වනු ලැබූ අතර මෙම අවස්ථාවට සමබිම පාඨකයන් පිරිසක් සහභාගී විය. මුලින්ම පිලිගැණිමේ කතාව පවත්වමින් සමබිම සංස්කාරිකා මනෝරී කලුගම්පිටිය විසින් සමබිම ආරම්භයේ සිට මේ දක්වා මානව අයිතිවාසිකම් රැක ගැනීම උදෙසා කළ මෙහෙවර සම්බන්ධයෙන් කරුණු පැහැදිලි කරණු ලැබීය.

 
සමබිම ලේඛක නීතීඥ සම්පත් පුෂ්පකුමාර විසින් මෙවැනි දුෂ්කර කාලයක මානව අයිතිවාසිකම් වැනි කේෂත්‍රයක් හා සම්බන්ධ වී කටයුතු කිරීමේ දී මතුවන දූෂ්කරතා සම්බන්ධයෙන් හා මානව අයිතිවාසිකම් රැක ගැනීම සදහා සියලු දෙනාගේ මැදිහත් වීම අත්‍යවශ්‍ය වන ආකාරය පිළිබදව පැහැදිළි කරනු ලැබීය.

 
අනතුරුව අදහස් දැක්වූ කත්‍යනා අමරසිංහ විසින් මේ කාලයේ ජන සමාජයේ පවතින විවිධ අර්බුදයන් නිසා ජනතාව මුහුණ පා සිටින ගැටලු ගැන අවධාරණය කරණු ලැබීය. ඇය මෙහිදී දුමිරියේ ගමන් ගන්නා විට ඇයට මුහුණ පාන්නට වූ අකර තැබිබයක් සම්බන්ධයෙන් කරුණු පැහැදිලි කරණු ලැබීය. මෙවැනි නරක මිනිසුන් වෙසෙන සමාජයක තව දුරටත් මානව අයිතිවාසිකම් වැනි කේෂත්‍රයක කටයුතු කිරීමේ දී මතුවන ගැටලු සම්බන්ධයෙන් ඇය දීර්ඝ වශයෙන් පැහැදිලි කරණු ලැබීය.
අනතුරුව දීප්ති කුමාර ගුණරත්න විසින් සිය කතාව ආරම්භ කරණු ලැබුවේ ගම්පහ සමග සිය අතීත සම්බන්ධයක් ගෙන හැර පාමිනි. සිය දේශපාලන පක්ෂයේ මීට වසර හතකට පමණ පෙර පැවති රැස්වීමක අතරතුර සිදු වූ අත් දැකිම් හා ඒ නිසාම මේවන විටත් ඔහු උගෙන ගත් පාඩම් සම්බන්ධයෙන් ඔහු සිය අතීතය ආවර්ජනය කරනු ලැබීය. කත්‍යනා අමරසිංහ විසින් ඉදිරිපත් කළ දුමිරියේ දී ඇයට මුහුණ පාන්නට වූ අකරතැබ්බය ගැන දීප්ති විසින් විනෝදය නම් සාධකය ඇසුරින් දීර්ඝ පැහැදිලි කිරීමක් කරණු ලැබීය. මේ කාලයේ දෘෂ්ඨිවාදය ක්‍රීයාත්මක වන ආකාරය තුල මනුෂ්‍ය සම්බන්ධකම් වලට අත්ව තිබෙන ඉරණම ඔහු මනා ලෙස පැහැදිලි කරණු ලැබීය. මෙම සම්මණ්ත්‍රනයේ දී දීප්ති විසින් කළ සම්පූර්ණ කතාව ලගදීම අපගේ පාඨකයන් වෙත ගෙන එන්නට අප අදහස් කරන්නෙමු.