“සමබිම” දීප්ති ගේ දියවෙන සටනක්ද?

Inbox

  2015-2019 කාලය තුළ දී අපගේ සංවිධානය තුළ පැවති ක්‍රියාකාරීත්වය පිළිබඳව අජිත් ධර්මකීර්ති සහෝදරයා ප්‍රශ්න කිහිපයක් මතු කර ඇත. ඒ යුගය, අපගේ සංවිධානයේ පැත්තෙන් ඉතාම දුෂ්කර යුගයකි. සංවිධානයේ කටයුතු සිදු වුයේ, වැටී වැටී නැගිටීමෙන් ය. කුමන ගැටලු පැවතියත්, ඒ කාලයේ අප වෙනුවෙන් වැඩ කළ රෝහිත, දිනුක, මහේශ් ඇතුළුව තවත් බොහෝ සහෝදර-සහෝදරියන්ට (ජානකී ද ඇතුළත්ව – තේ කොළ, සීනි, පිටි ගේනාවාට ඔබට ස්තූතියි) මේ අවස්ථාවේ අපගේ ප්‍රණාමය පුද කරන්නෙමු. X දේශපාලනය කියා කියන්නේ කුමකට දැයි හඳුන්වා දීම දුෂ්කර ය. ලංකාවේ වමේ දේශපාලනය සමඟ දීර්ඝ කාලයක් හැපෙමින් පැමිණි යුගය අවසන් වී ඇත. සමසමාජ සහ JVP යුගය අවසන් වෙමින්, මහලු වෙමින් පවතියි.

            මේ පහත පළ වන්නේ, අජිත් ධර්මකීර්ති විසින් පොදුවේ අසන ප්‍රශ්නාවලිය යි. සමහර විට, එය තවත් අයගේ ද ගැටලු විය හැකි ය. පිළිතුරු ලිපිය ඊළඟට බලාපොරොත්තු වන්න!

]]]]]]]]]]]]]]]]]]]]]]]]]]=====================

මම කාලයකට කලින් මගේ ලෝකයෙන් අහවල් ලෝකය හා ගෙල්මන් ගේ අරී අට මග නමින් ලිපියක් ලීවෙමි.ඒ “මගේ ලෝකයෙන් පසු ලෝකය” කෘතිය  පිලිබඳව පැවති  සංවාදයක් ගැන ලිපියකි. මේ ලිපියට පිළිතුරක් ලියන හපුගොඩ සහෝදරයා සැලකුවේ එය ඔහුට කරනා විවේචනයක් ලෙසය. මේ නිසා ඔහු අපූරු පිළිතුරක් දී තිබුණි.  ඒ පිළිතුරේ වැදගත්ම වාක්‍යය වූයේ මෙයයි. 

“මා පිටරට සිට මෙරට ට චන්ඩි පාට් දමන වමේ දේශපාලනයක ද නිරත නොවෙමි. මා ඉන්නේ මේ ගෙන්දගම් පොළොවේ ය. ” (ම.හ.)

ඉන්පසු  ඔහු මෙසේද ලියා තිබුණි.

ඊට කලින් ජිජැක් ගැන ඔවුන් දෙදෙනා ලියු පොතේ අග දීප්ති ගුණරත්න මෙසේ ලියා තිබුණි.

//“මේ තරම් පොත් කියවපු සංවිධානයකින් මෙච්චර  මැට්ටෝ බිහි වුනේ කොහොමද? දෙවියන් අපිට ලබා දුන් තෑග්ග වන මහේෂ් හපුගොඩ හරහා  එම ප්‍රශ්නයට පිළිතුරු ලැබී ඇත. ජීසස් ගේ කියමන  වූයේ “දෙවියනේ ඔබ කොහිද?” මැට්ටන්ගෙන් මගේ ව්‍යාපෘතිය වෙන් කිරීමට මේ ලෝකයට එවූ තෑග්ගට දෙවියන්ට ස්තුති වේවා. ප්‍රාතිහාර්ය බලාපොරොත්තු නොවන්නා යථාර්ථවාදියෙක් නොවේ. මාක්ස්වාදය අද දවසේ ඉල්ලන්නේ භෞතිකවාදයද නොවේ. එය ඉල්ලන්නේ “රැඩිකල් විඥානවාදය’ ය.”- (පුනර්ජීවනය  -ජිජැක් අධ්‍යයනය)//

හැබැයි පසුව මට පෙනී ගියේ මහේෂ් හපුගොඩ නමැති දර්ශනවාදියා දීප්තිගේ ත්‍රිමානය  තුල තව දුරටත් හොල්මන් නොකරන බවය. ඊට හේතුව වුයේ හපුගොඩ ගේ ලිපි පෙරටුගාමී සමාජවාදී පක්ෂයේ හා ජවිපෙ සහෝදරවරු ෆේස්බුක් එකේ හෝගා බෙදා හදා ගන්නා  බැවිනි. මේ සංසිද්ධිය මම ඊට කලින්ද දැක තිබේ. එක්ස් කණ්ඩායමෙන්  හෝ පරණ පෙරටුගාමී (දැන් සමබිම) පක්ෂයෙන් යමෙකු වෙන්වූ වහාම අනිකුත්  වාමාංශික පක්ෂ දෙකට ඔවුන් ඉබේම  මාහැඟි වස්තූන් වේ. නමුත් කුමන  හෝ හේතුවකට ඒ බව ඔවුහු ප්‍රසිද්ධියේ පිලිගැනීමට මැලි වෙති.

එසේම මම හපුගොඩ සහෝදරයාගේ  ලිපි “ලංකා නිව්ස් වෙබ් ” අඩවියේ මෙන්ම ලංකා ලීඩ් නිව්ස්, ලීඩර් වැනි ප්‍රකාශන  වලද දුටුවෙමි. ඔහුට වැඩි ඉඩකඩක් ලැබෙනවා කියන්නේ ඔහු දීප්ති සමග නැති බව බොහෝ දුරට අනුමාන කලෙමි.  මම මහේෂ් හපුගොඩ ට සුභ පතමි. ගමෙන් නගරයට එන අය එකතැන පල්විය  යුතු නැත. 

දීප්ති කියන දේ අසන පිළිපදින දීප්ති සමග සිටි අයට බුකියේ චෝදනා මිස වෙනත් දේවල් ලැබෙන්නේ නැත. ඒ කණ්ඩායම්ද අනිකුත් පැරණ එක්ස් කාරයන් සමග සැම විටම අවුලේය. එසේම  බොහෝ “විද්වතුන්” ලෙස තමන් හඳුන්වා ගන්නා  අය දීප්තිට බුකියේ සිනාසෙති.   බුකිය විකාරයක් බවට දීප්ති කියන්නේද එනිසා විය යුතුය.

දිප්තිද සියට සියක් බෝසතකු  නොවේ. ඔහු තමන් හැරගිය අයට ද ඒ අයගේ යහළුවන් යයි සිතන අයටද නිර්දය ලෙස පහර දෙයි. එනිසා ඔහුට තරහකාරයන් වැහි වැහැලාය. මට හිතෙන්නේ දීප්තිට මේ නිසා ජිවිතේට ලෙනින් කෙනෙකු වෙන්නට බැරිය.  මේ ගැන මගෙන් ඇසූ  ජවිපෙ සහෝදරයෙකුට මා දුන් පිළිතුර වූයේ, පක්ෂය හැරගිය නන්දන මාරසිංහ වැනි අයට විජේවීර පිළිතුරු දුන්නේ කළුකුඩුබස්නයෙන් බවයි.    ඒ නිසා සාපේක්ෂව දීප්ති විජේවීරට වඩා සාධාරණ බවය. ඔහු අවඥාසහගත ලෙස කිව්වේ දීප්තිට එවැනි හයියක්  නැති බවයි. 

මෙවර ලංකාවට ගිය වෙලේ යහළුවෙකු ගෙන් හපුගොඩ /දීප්ති සුසංයෝගයේ ඉරණම  පිළිබඳව විමසුවෙමි. ඔහු කීවේ ”දීප්ති තමන්ට වඩා කෙනෙකු පක්ෂයේ ඉහලට ගියහොත් ඔවුන්ව ඉවත් කරන බවය.” එනම්ම දීප්ති තමන්ව බුද්ධිමය වශයෙන් පසු කරයන්නට පක්ෂයෙන් කෙනෙකුට  ඉඩ දෙන්නේ නැති බවත් ප්‍රභා මනුරත්න, බුද්ධික, කල්යානන්ද , නිර්මාල් දේවසිරි මෙන්ම හපුගොඩ ද ඉවත්ව ගියේ ඒ නිසා බවය. 

මට  ඒ අදහස පිළි ගැනීමට නොහැකි බව කීවෙමි. මගේ අදහස වූයේ,  දැන්  ජිජක් විශාරදයෙකු වී සිටින ජයසිරි අලවත්ත සහෝදරයා  හා ඉන් එහා ගොස් ජනප්‍රිය දර්ශනවාදී අදහස් බෙදා හදා ගන්නා හපුගොඩ සහෝදරයාගේ ග්‍රන්ථ ද්විත්වය පසුපස දීප්තිගේ බුද්ධිමය මැදිහත්වීමක් තිබුණු බව ඉතාමත් පැහැදිලිය.  එනිසාම දීප්තිට එවැනි අවශ්‍යතාවයක් තිබෙන්නට ඉඩක් නැත.එක්ස් කණ්ඩායමෙන් ගිය අයද දීප්ති ගෙන් තව දුරටත් ඔවුනට ගන්නට දෙයක් නොමැති නිසා නික්ම ගියා විය යුතුය. ඒ ගැන බොහෝ සෙයින් ත්‍රිමාණ වෙබ්  අඩවිය හා බුකිය තුල විවේචන-ප්‍රති විවේචනය යන නිසා ඒ ගැන කතා නොකර සිටිමු.  නමුත් සමන් පුෂ්ප කුමාර ඔහුගේ  පශ්චාත් උපාධියෙන් පසු නැවත  දීප්තිගේ පක්ෂයට නො ආවේ ද ඒ නිසාය යන තර්කය බැහැර කිරීම මදක් අපහසුය.  

මුලින් දීප්ති කුමාර ගුණරත්නට හා ඔහුගේ පක්ෂයට කැමතිව සිටි තවත් මා බ්ලොග් ලෝකයේ දැන සිටි සගයෙකු  දැන් සිටින්නේ විදර්ශන කන්නගර කණ්ඩායම සමගය.  ඔහුගේ  මුලික තර්කය දීප්ති චතුරිකා පසුපස යාම නිසා ක්‍රෙඩිබිලිටිය විනාශ කරගෙන ඇති බවය. නැතිනම් කාඩ් කුඩු කරගෙන ඇති බවය. චතුරිකා පසුපස යාමට වඩා දීප්ති  කලේ රැකියාවක් යන්න මගේ වැටහීමයි.  ඒ රැකියාවේ ප්‍රතිපල සමහර විට ඉදිරියේදී බලා ගන්නට හැකිවනු ඇත. මා හඳුනන බ්ලොග්  සගයා  දැන් අනුයන  විදර්ශනගේ සමහර ලිපි හා කියුම් දීප්ති ලියන ඒවා තරමට මට තේරෙන්නේ නැත. එනිසා මම ඒ සහෝදරයාව  බොහෝ සෙයින් මග හැර තිබේ.   

දිප්තු කුමාර ගුණරත්න ගෙන් මේවා ගැන විමසු විට කිවේ මහේෂ් හපුගොඩ පක්ෂයෙන් පිටත සිටියත්  තවමත් ඔවුන් සමග සිටින බවය.  සමහරවිට මේ  මේ  සියල්ල බැඳ තබන හුය රුවන් ෆෙර්ඩිනන්ඩ් විය හැකිය.  නිව්ස්වෙබ් අධිපතියන් සාමාන්‍යයෙන් ජිජැක් ට සිනාසෙති. එසේම නූතන මාක්ස්වාදය සමගද ඔවුන්ගේ සමබන්ධ්යක් නැත. මංගලගේ ලිබරල්වාදය සඳහා එහි ඉඩක් තිබේ. එනිසා හපුගොඩ ගේ නව මිතුරන් ඔහු පිළිගන්නේ දීප්ති ඉක්මවා ගියා යයි  නිසාද?

ලංකාවේ පරිවර්තන නොව ස්වතන්ත්‍ර පොත් පලකරන්නට ගොස් ප්‍රකාශකයන්ගේ, එම ක්ෂේත්‍රයේ කෙලි කාරයන් ගේ හා   අනිකුත් ලේඛකයන් ගේ නරුමවාදයට මුහුණ දුන් මට දීප්ති මුහුණ දෙන්නේ කුමන නරුමවාදයකටද  යන්න ගැන යම් අවබෝධයක් ඇත. වාමාංශික  පක්ෂ වල සමහරු ක්‍රියා කරන්නේද  අර නරුමවාදය තුලමය. 

බලාගෙන යනවිට සියල්ල නැවතත් අවුල් වී ගොස. අවුල ලිහන්නට කෝවිඩ් 19 හොඳ අවස්තවක් දී තිබේ. .

අජිත් ධර්මකීර්ති.

පරණ ලිපි පෙළ:

ඔබේ අදහස කියන්න...